花膠煲雞湯
食材:
花膠1片(約4兩)
雞1隻(冰鮮雞都OK)
豬1條(約半斤)
薑(幾30片)
第一步: 處理花膠
預先1~2天前浸花膠。
我喜歡在花膠浸軟，就剪開4片浸。
第2步: 處理浸好的花膠
3~5湯碗水，加入10片薑，一起煮滾，多滾5~10分鐘(讓薑出味)。關火，把花膠放入薑水內。
最後, 取出花膠再沖下水, 讓它Cool Down! 花膠就完成了! 此做法主要是清除花膠的魚腥味。
* 為什麼要關火呢！因為花膠與到熱就開始出膠質，所以關火就可以減低熱度，已而薑水已經足夠除腥味。
我喜歡出水前，再把花膠剪成數片, 方便稍後飲湯時, 容易吃D花膠！
加入10片薑，一起煮滾，多滾5~10分鐘(讓薑出味)
關火!
把花膠放入薑水內
第3步: 處理雞和豬
特別提醒大家，煲雞湯必須要配豬肉，煲出來的雞湯才夠味。就算您們用 多1隻雞，都唔夠用1塊豬肉煲出來D湯甜呀！(豬或瘦肉都可以，當然唔好用有肥豬肉啦！) 還有，隻雞千萬不要切件，一定要原隻煲呀！是長輩教落，唔可以唔信呀！奇妙！
回來處理雞和豬！同樣用5~10湯碗水，煮滾後放入雞和豬，約5~10分鐘就得啦。此處理法，都是為了去除雞、豬肉的氣味。(如果用細煲，就分開做出水的處理。先後處理雞、豬肉就可以，不需要分開2個煲水！)
看看, 已經處理好的雞和豬
第4步: 進入正式煲湯
我喜歡用多水，大火煲湯。從頭到尾都用大火，直至完成！此是個人喜好，不用跟足！
先放入1.5公升水和20片薑煮。(特別男士飲此湯，可以多放薑片，有去濕防寒功效。)
水滾就放入雞和豬，先煲1小時。跟住再放入花膠煲多1小時半(90分鐘)。
首先放入雞和豬，先煲1小時
個人意見:
通常，D湯煲蓋都唔夠重，我喜歡多用個玻璃蓋壓住。
而且，又可以讓水蒸氣流回煲蓋上，入回湯內，不會蒸發晒！OK嫁！
煲完後應該淨下不足1公升湯啦！
個人意見:
煲湯時, 水的分量是可以好隨意的，多了水就煲久一些，唔夠水就飲少D湯。只要大家記住今次的經驗，下沒改進就得啦！
大家看看個花膠個雞湯啦！
有些食譜教大家, 在湯完成前的30分鐘, 才放入花膠. 但是, 我喜歡將花膠煲1小時~1-1/2小時, 因為, 煲長時間D，花膠的膠質溶入湯內，雞味又濃，好似飲直接飲 "骨膠原"一樣，皮膚好似突然充滿彈性。
下次試下湯花膠糖水，不過我老公唔鍾意飲糖水的，哈哈！
